Tórsfest verður
25. juli 2025
GAVIN DEGRAW
Amerikumaðurin Gavin DeGraw vann hjørtu kring allan heim í 00unum, tá hann gjørdist heimskendur við sínum rokkutta popptónleiki. Rødd hansara er mjúk og rá samstundis, og hann syngur við hjartanum. Ver til staðar, tí Gavin DeGraw verður eitt absolutt hæddarpunkt á Tórsfest 2025.
EIVØR
Hon er langtsíðani vorðin ímyndin av føroyskum tónleiki. Hon er helst okkara fremsti ambassadørur, og í ár sleppa vit at hoyra hana á Tórsfest í hjartanum í Havn. Hetta verður óivað eitt av hæddarpunktunum summarið 2025.
SANDRO CAVAZZA
Heimskendi Sandro Cavazza fer at umskapa Vágsbotn til eitt altjóða dansigólv, tá pumpandi rútmurnar fara at floyma út yvir stóru fjøldina. Hann er ein sviið við italskum ættarbondum, og hevur samstarvað við navnframa Avicii og Kygo. Hann er gávaður sum fáur, og er tað ein veitsla, tú skal til í summar – ja, so er tað hendan.
ZAK ABEL
Við 28 milliónum lurtarum á Spotify og 146 milliónum stroymingum er ongin ivi. Tað er ein sonn poppsensatión sum kemur at framføra fyri okkum á Tórsfest 2025.
KRISTINA BÆRENDSEN
Geniala Kristina Bærendsen kemur við hittunum á Tórsfest, og kunnu vit gleða okkum til eina stórbæra konsert, har vit øll kunnu syngja við. Sigur tú Country, sigur tú Kristina.
DAVE EVANS
Hann var upprunaligi sangarin í rokkfyribrigdinum AC/DC, og dugur sum fáur at syngja góðan, gamlan rokk. Dave Evans hevur síðan 1973 ferðast pall av palli, og hevur framført feitan rokktónleik.
BRANCO
Branco man teljast millum heitastu nøvnini á danska tónleikapallinum. Síðan 2019 hevur hann sett hitt aftaná hitt í verðina, og stroymingstøl hansara eru eksploderaði. Hann er fastur gestur á teim stóru pallunum í Danmark, og hann er ein garantur fyri eina risa veitslu.
POPTÖS
Maria, Saszeline og 2 ferðir Julie. Tú kennir sangirnar. Tú kennir songkvinnurnar. Tú syngur. Tær syngja. Vit øll syngja. Gleð teg til stóru løtuna við nostalgisku hittrøðini við Poptös.
DIZZY MIZZ LIZZY
Danska rokktrioin, sum legði ríkið fyri sínar føtur í 90unum, eigur eitt heilt serligt pláss í hjartanum á mongum føroyingi. Trioin gav út plátuna Dizzy Mizz Lizzy í 1994, og hon streyk upp á tónleikatindarnar alt fyri eitt. Útgávan varð tiltikin, tí hon var á tremur við hittum. Danskur tónleikur hevði brádliga fingið eitt nýtt, rátt og melodiskt útrykk, sum øll tóku til sín. Dizzy Mizz Lizzy var uttan iva heitasta navnið á øllum festivalum í ríkinum miðskeiðis í 90unum.